Lee Yeon អាយុ២៧ឆ្នាំ អាចដើរតួអង្គក្មេងអាយុ១៤ឆ្នាំបានយ៉ាងសម

កម្សាន្ត៖ ថ្មីៗនេះ អ្នកលេងបណ្ដាញសង្គមជាច្រើននាំគ្នាភ្ញាក់ផ្អើលជាខ្លាំង ក្រោយពីដឹងថា តួអង្គក្មេងអាយុ១៤ឆ្នាំក្នុងរឿង Juvenile Justice សម្ដែងដោយតារាស្រីដែលមានអាយុ២៧ឆ្នាំ។ ទន្ទឹមនឹងនោះ រឿងនេះបានធ្វើឲ្យទស្សនិកជនងាកមកចាប់អារម្មណ៍ តារាសម្ដែង Lee Yeon ឡើងប្រជាប្រិយភាពភ្លាមៗ។

ជាមួយគ្នានេះដែរ Lee Yeon បានសម្ដែងជា តួអង្គក្មេង Baek Seongu ហើយទទួលបានការកោតសរសើរទៅលើសមត្ថភាពសម្ដែងជាខ្លាំង។ មិនតែប៉ុណ្ណោះ ក្រៅពីសាច់រឿងល្អមើលហើយ អាយុពិតរបស់តួឯកស្រីនេះ កាន់តែទាក់ទាញអារម្មណ៍ប្រិយមិត្តឲ្យកាន់តែស្ងើចសរសើរថែមទៀត។

ងាកទៅមើលជីវិតពិតរបស់តារាសម្ដែងស្រីមុខក្មេងជាងអាយុនេះវិញ នាងបានបង្ហាញខ្លួនដំបូងនៅ ឆ្នាំ២០១៩ ដោយស្ថិតនៅក្រោម Agency Echo Global Group។ ទោះបីជានាងបានចូលសិល្បៈប៉ុន្មានឆ្នាំទៅហើយ តែវាត្រឹមជាចំណុចចាប់ផ្ដើម នៅពេលដែលទស្សនិកជនទើបតែចាប់អារម្មណ៍ប៉ុណ្ណោះ៕

ប្រភព៖ KStarLive