អបអរសាទរ ទៀង បូរមី ចូលTop16 Miss Teen Universe 2022 និងទទួលបានតំណែងជា Miss Teen Universe 2022 ប្រចាំតំបន់អាស៊ី

អាមេរិក៖ ពិតណាស់ កាលពីថ្ងៃទី ១០ ខែ វិច្ឆិកា ឆ្នាំ ២០២២ កញ្ញា ទៀង បូរមី បានចេញទៅប្រកួតលើឆាក Miss Teen Universe International ជាថ្មីម្ដងទៀត។ ដោយលើកមុននាងបានចេញទៅប្រកួតនៅឯប្រទេសឌូបៃ ហើយថ្មីៗនេះនាងទៅប្រកួតនៅប្រទេសអាមេរិកម្ដង។ 

យ៉ាងណាមិញ យុវតីវ័យ១៧ឆ្នាំរូបនេះ បានធ្វើឲ្យមហាជននិងហ្វេនរំភើបត្រេកអរជាខ្លាំង ខណៈការប្រកួតវគ្គផ្ដាច់ព្រ័ត្រនាថ្ងៃនេះនាងមានឱកាសចូលដល់Top១៦ ពីកម្មវិធី Miss Teen Universe International 2022។ មិនតែប៉ុណ្ណោះ កញ្ញា ទៀង បូរមីថែមទាំងបានឈ្នះពាន The Most Beautiful Face និងទទួលបានតំណែងជា Miss Teen Universe ២០២២ ប្រចាំតំបន់អាស៊ីផងដែរ។ 

តួយ៉ាង នេះជារឿងដ៏រំភើបដែលយុវតីកម្ពុជាអាចមានឱកាសឈរជើងលើឆាកអន្តរជាតិ ព្រមទាំងអាចឈានដល់Top16 និងពានពិសេសចំនួន២យ៉ាងដូច្នេះ។ គួរបញ្ជាក់ផងដែរថា កញ្ញា ទៀង បូរមី នាងធ្លាប់ចូលរួមប្រកួត Miss Teen International Cambodia ចូលដល់Top10ផងដែរ៕ 

សូមទស្សនារូបភាពខាងក្រោម៖