ទីបំផុត! ឈុតឆាកខ្លីក្នុងរឿង «Back to the Past» របស់ Louis Koo បានចេញហើយ (មានវីដេអូ)

ហុងកុង៖ ម្ចាស់ក្រុមហ៊ុនផលិតខ្សែភាពយន្តលោក LouisKoo នៅទីបំផុតបានបង្ហាញឈុតឆាកខ្លីសម្រាប់រឿងភាគបន្តពីរឿងភាគបុរាណរបស់ទូរទស្សន៍ TVB “A Step Into the Past “  រួចហើយ។ សម្រាប់រឿង “Backto the Past”  លោក​Louis បានសម្ដែងជាតួឯកដែលមានឈ្មោះថា HongSiu Lung ហើយក៏ត្រូវបានចូលរួមសម្ដែងដោយតារាសម្ដែងជាច្រើនទៀតរួមមានRaymond Lam, Sonija Kwok, Jessica Hsuan, JoyceTang  និង MichelleSaram ។

ជាជំហានមួយទៅអតីតកាលគេបានឃើញមន្រ្តីប៉ូលីស HongSiu Lung បានធ្វើដំណើរត្រឡប់មកវិញទាន់ពេលវេលាដើម្បីធ្វើជាសាក្សីអំពីការឡើងគ្រងរាជ្យរបស់ព្រះចៅអធិរាជ Qin Shi Huang (Raymond Lam)។

ខ្សែភាពយន្ដរឿងនេះកើតឡើង២០ ឆ្នាំបន្ទាប់ពី Qin Shi Huang បានឡើងកាន់អំណាចដោយសារកម្លាំងនៃចំណងមិត្ដភាពរវាងលោកនិងHongSiu Lung។ ក្រោយមក QinShi Huang បានក្លាយជាជនផ្តាច់ការហើយប្រើអំណាចដើម្បីសម្រេចគោលដៅរបស់ខ្លួនហើយគម្រាមសម្លាប់ជនណាដែលប្រឆាំងនឹងខ្លួន។

ទន្ទឹមនឹងនេះដែរ Hong Siu Lung បានទៅតាំងទីលំនៅនៅឯជនបទជាមួយក្រុមគ្រួសាររបស់គាត់ប៉ុន្តែគាត់ត្រូវបានគេអូសទាញចូលក្នុងជម្លោះជាមួយអធិរាជវិញ។ដូចដែលបានឃើញនៅក្នុងឆាកខ្លីៗក្នុងខ្សែរភាពយន្ត Qin Shi Huang ហាក់មិនស្ទាក់ស្ទើរក្នុងការប្រើដាវរបស់គាត់ទៅលើអតីតអ្នកជួយត្រួសត្រាយផ្លូវរបស់គាត់នោះទេខណៈពេលដែលHong Siu Lung ត្រូវពឹងផ្អែកលើចំណេះដឹងអំពីបច្ចេកវិទ្យារបស់គាត់ពីពិភពទំនើបដើម្បីការពារគ្រួសាររបស់គាត់។ដោយមើលឃើញពីប្រវត្តិសាស្រ្តបានលាតត្រដាងនៅចំពោះមុខរបស់គាត់ស្រស់ៗបែបនេះ HongSiu Lung បានសម្តែងការសោកស្តាយយ៉ាងខ្លាំងចំពោះការជួយជ្រោមជ្រែង QinShi Huang អោយឡើងកាន់អំណាច។

បញ្ហាបន្ថែមរបស់ Hong Siu Lung គឺជាតួអង្គអាថ៌កំបាំងមួយដែលមានឈ្មោះថាKen ដែលមានបំណងធ្វើដំណើរត្រឡប់មកវិញទាន់ពេលវេលាជាមួយ Hong Siu Lung ដើម្បីផ្លាស់ប្តូរអតីតកាលហើយលើកខ្លួនគាត់ជាអធិរាជ។ នៅពេលដែល HongSiu Lung កំពុងតែជួបការលំបាកក្នុងការរត់គេចពី Qin Shi Huang ផងនោះគាត់ក៏ត្រូវប្រឈមមុខនឹងភារកិច្ចក្នុងការបញ្ឈប់មហិច្ឆតារបស់ Ken ពីការបង្កើតភាពមិនប្រក្រតីនៅក្នុងប្រវត្តិសាស្ត្រផងដែរ៕

បើចង់ជ្រាបច្បាស់ សូមទស្សនាវីដេអូដែលបានបង្ហាញឈុតឆាកខ្លីដូចខាងក្រោម៖

ប្រភព៖ Jayne Stars