ប្លែកភ្នែក ក្រោយ ចន ច័ន្ទលក្ខិណា តុបតែងបែបទិដ្ឋភាពសម័យលង្វែក

ភ្នំពេញ៖ អ្នកនាង ចន ច័ន្ទលក្ខិណា បានធ្វើឲ្យមហាជនច្រណែននឹងសម្រស់ក្មេងវ័យរបស់អ្នកនាង ទោះស្លៀកពាក់ឈុតអីក៏ស្អាតចេញរាងដូចក្រម។ លើសពីនោះ អ្នកនាង ចន ច័ន្ទលក្ខិណា នៅតែមានរាងស្រឡូនស្អាតសមនឹងស្លៀកឈុតប្រពៃណីខ្មែរធ្វើឲ្យអ្នកនាងដូចតារាម៉ូដែល។   

ជាការពិតណាស់ តារាស្រីឈ្មោះ ចន ច័ន្ទលក្ខិណា ត្រូវបានមហាជនទាំងក្មេងទាំងចាស់ស្គាល់ថាជាតារាជើងចាស់មួយដួងដែលមានសម្រស់មិនចេះចាស់តាមពេលវេលា។ ជាពិសេស តារាស្រីរូបនេះពូកែថែរក្សារូបរាងឲ្យនៅតែស្រឡូនសាច់តឹងណែន ពណ៌សម្បុរភ្លឺរលោង ក្មេងៗល្មមៗសុំខ្មាស។   

ជាក់ស្តែង តារាស្រីជើងចាស់សាច់ចាំ ចន ច័ន្ទលក្ខិណា បានបង្ហាញនូវឈុតបុរាណខ្មែរ ក្នុងសម័យលង្វែក ជាមួយល្បាប់ និងឈៀងយ៉ាងសមសួន ទន់ភ្លន់សាកសមជានារីខ្មែរពិតៗ មើលទៅពិតជាស្លុងអារម្មណ៍ដូចជាស្ថិតក្នុងសម័យនោះពិតៗដូច្នេះ រហូតទទួលបានការគាំទ្រយ៉ាងខ្លាំងពីសំណាក់មហាជន និងអ្នកគាំទ្រនៅក្នុងបណ្តាញសង្គមហ្វេសប៊ុក៕

សូមទស្សនារូបភាពខាងក្រោម៖