ក្រោយមានរឿង ជីវិត​ Wang Leehom ត្រូវរស់នៅលាក់ពួនបែបនេះ

តៃវ៉ាន់៖ យោងតាមរបាយការណ៍របស់ប្រព័ន្ធផ្សព្វផ្សាយតៃវ៉ាន់ បានឲ្យដឹងថា បន្ទាប់ពី តារាចម្រៀងប្រុស លោក Wang Leehom បានប្រកាសលែងលះជាមួយនឹងភរិយារបស់ខ្លួនមក រូបលោកហាក់ដូចជាស្ដិតក្នុងស្ថានភាពដ៏លំបាកមួយ។ ជាពិសេស តារាប្រុសរូបនេះ ថែមទាំងត្រូវដាក់ឱ្យនៅដាច់ដោយឡែករយៈពេល ៧ ថ្ងៃ ទៀតផង។

យ៉ាងណាមិញ នៅវេលាម៉ោង ៨ យប់ ថ្ងៃទី ២៦ ខែធ្នូ តារាប្រុសរូបនេះ ក៏បានថ្លែងអំណរគុណដល់ប្រព័ន្ធផ្សព្វផ្សាយ ព្រមទាំងបានលើកឡើងថា រូបលោកបានត្រឡប់ទៅកាន់ ទីជម្រករបស់ខ្លួនវិញ ដោយសុវត្ថិភាពហើយ ប៉ុន្តែនៅក្នុងនោះ ត្រូវបានគេដឹងថា លោក Wang Leehom បានជ្រើសរើសជម្រើសឯកាថែមទៀត ដោយត្រូវការបន្ថែម ៧ ថ្ងៃ ក្នុងការនៅដាច់ដោយឡែកនៅឯផ្ទះរបស់ខ្លួន ។  

អ្វីដែលគួរឲ្យចាប់អារម្មណ៍នោះ មុនពេល Wang Leehom ចាកចេញពីសណ្ឋាគារ គេបានឃើញមានចំនួន មនុស្ស ១០ នាក់ ស្លៀកពាក់ខ្មៅ ដែលមានវត្តមានដើម្បីអមដំណើរតារាប្រុសរូបនេះ ជាពិសេស Wang Leehom បានបោកបញ្ឆោតអ្នកយកព័ត៌មាន ដោយជិះតាក់ស៊ីពីរ ហើយត្រឡប់ទៅលំនៅដ្ឋានរបស់ខ្លួនវិញ ដែលព័ត៌មានមួយនេះ ធ្វើឲ្យមហាជនជាច្រើនលើកឡើងថា រូបលោកធ្លាប់តែជាកំពូលតារាចម្រៀងប្រុស តែពេលនេះ បែរជាត្រូវមកលាក់បាំងយ៉ាងជិតឈឹងបែបនេះ៕ 

ប្រភព៖ Ngoisao.vn

សូមទស្សនារូបភាពខាងក្រោម៖