មើលបងប្អូនគេផង! ខួបកំណើតបងស្រី Rose ជូនសុទ្ធកាដូមានតម្លៃ ហើយសម្រស់មិនចាញ់គ្នាប៉ុន្មានទេ

កូរ៉េខាងត្បូង៖ ជឿជាក់ថា អ្នករាល់គ្នាដែលជាហ្វេនគាំទ្រ ប្រាកដជាដឹងថា​ Rose(BLACKPINK) មានបងស្រីម្នាក់ ដែលមានអាយុច្រើនជាងនាង ៤ ឆ្នាំ ដែលមានឈ្មោះ Alice Park ។ ថ្វីត្បិតតែនាងមិនបានចូលប្រឡូកក្នុងវិស័យសិល្បៈពិតមែន តែ Alice Park នៅតែទាក់ទាញការចាប់អារម្មណ៍ពីអ្នកលេងអ៊ិនធឺណេតដោយសារមុខមាត់ស្រស់ស្អាតនិងភ្លឺថ្លាដូចតារា Kpop ពិតៗ។

ជាមួយគ្នានេះ កាលថ្ងៃទី ៣១ ខែសីហា Alice បានចែករំលែករូបថតនៃកាដូខួបកំណើតដែល Rose បានផ្ញើរទៅឲ្យនាងផ្ទាល់។ ដោយ កាដូថ្ងៃកំណើតរបស់បងស្រី Rose គឺជាគ្រឿងអលង្ការដ៏ប្រណិតពី Tiffany & Co ដែលគ្រឿងអលង្ការនេះ មានតម្លៃថ្លៃខ្លាំងចាប់ពី ៣,៤០០ ដុល្លារ ដល់ ១៧,៥០០ ដុល្លារ។ ប៉ុន្តែអ្វីដែលទាក់ទាញការចាប់អារម្មណ៍បំផុត គេបែរជាចាប់អារម្មណ៍លើ សម្រស់ដ៏ស្រស់ស្អាតរបស់បងស្រី Rose ទៅវិញ។

គួរបញ្ជាក់ផងដែរថា បងស្រីបង្កើតរបស់ Rose កើតនៅឆ្នាំ ១៩៩៣ ធ្វើឱ្យមានការចាប់អារម្មណ៍យ៉ាងខ្លាំងដោយសារសម្រស់ស្រស់ស្អាត សុភាពរាបសានិងភាពជាស្ត្រីរបស់នាង។ ប៉ុន្តែអ្នកនិយមលេងអ៊ីនធឺណេតជាច្រើន គិតថា Alice គឺដូច Jisoo ទៅវិញ

ថ្វីបើ Alice មានសម្រស់ស្រស់ស្អាតក៏ដោយ ប៉ុន្តែនាងមិនបន្តអាជីពសិល្បៈ ដូចប្អូនស្រីរបស់នាងទេ។ ផ្ទុយទៅវិញនាងបានបញ្ចប់ការសិក្សានៅមហាវិទ្យាល័យក្នុងឆ្នាំ ២០១៧ ហើយដើរតាមគន្លងមេធាវីរបស់គ្រួសារនាង។ ថ្វីត្បិតតែ មិនមែនជាតារាល្បីក៏ពិតមែន ប៉ុន្តែបងស្រីរបស់ Rosé ក៏មានអ្នកតាមដានយ៉ាងច្រើននៅលើ Instagram ដែររហូតដល់ជាង ៨៧៥,០០០ នាក់៕

ប្រភព៖ kenh14

សូមទស្សនារូបភាពខាងក្រោម៖