អាយុជិត៤០ហើយ Ahn Jaehyun នៅតែងខ្លួនដូចកម្លោះទើបធំ

កម្សាន្ត៖ ថ្មីៗនេះ តារាសម្ដែងរូបសង្ហារ Ahn Jaehyun បានបង្ហោះរូបប៉ុន្មានសន្លឹក​ ធ្វើឲ្យហ្វេនៗនាំគ្នាជ្រួលជ្រើម ក្រោយពីបាត់មុខពីសិល្បៈមួយរយៈធំមក។ តារាប្រុសនេះ មានអាយុ៣៤ឆ្នាំហើយ ប៉ុន្ដែបើនិយាយអំពី សម្រស់ និងការតែងខ្លួនវិញ កម្លោះអាយុខ្ទង់ម្ភៃមិនដូរទេ។

ទន្ទឹមនឹងនោះ តារាប្រុសពោះម៉ាយ Jaehyun បានបង្ហោះរូបក្នុងឈុតអាវពណ៌ខ្មៅ បង្អួតក្រមុំៗឲ្យនាំគ្នាជ្រួលច្របល់ពេញបណ្ដាញសង្គម។ ជាងនេះទៅទៀត លោកបានអង្គុយលេងនៅ ខាងក្រៅ យ៉ាងរំភើយ រីករាយជាមួយជីវិតរស់នៅម្នាក់ឯង ហាក់ដូចជាមិនខ្វល់ពី សង្គមសិល្បៈ នោះទេ។

គួរបញ្ជាក់ផងដែរថា តារាសម្ដែងខ្ពស់ស្រឡះរូបនេះ បានលែងលះជាមួយអតីតភរិយាដែលជាតារាសម្ដែងស្រីដ៏ល្បីល្បាញ Koo Hye Sun កាលពីឆ្នាំ២០២០មកម្ល៉េះ។ ចំណែកឯ បច្ចុប្បន្នលោកមិនសូវចេញមុខតាមបណ្ដាញផ្សព្វផ្សាយទៀតនោះទេ តែទោះបីជាយ៉ាងណាក៏មានហ្វេនៗជាច្រើន នៅតែស្រលាញ់ និង គាំទ្រជានិច្ច៕

ប្រភព៖ KStarLive