គួរឱ្យអាណិត! តារាចម្រៀងស្រីរូបនេះ ជីវភាពខ្វះខាត ព្រោះ បាត់បង់ចំណូលទាំងស្រុង ដោយតែកន្លែងច្រៀងត្រូវបិទ ព្រោះកូវីដ

 រាជធានីភ្នំពេញ៖​ យោងតាមការបង្ហោះនៅលើគណនីហ្វេសប៊ុកផ្ទាល់របស់ចម្រៀងស្រី កញ្ញា ខេង សម្ភស្ស បានប្រកាសថា ខ្លួនរកការងារមិនបាន ព្រោះតែបម្រាមគោចរទប់ស្កាត់ការចម្លងការរីករាលដាលនៃជំងឺកូវីដ១៩នៅក្នុងប្រទេសកម្ពុជា ដែលភោជនីយដ្ឋានត្រូវបានបិទ ដោយសារតែការរីករាលដាលនៃជំងឺកូវីដ១៩នៅក្នុងសហគមន៍។ តារាចម្រៀងស្រីរូបនេះ ត្រូវប្រឈមនឹងជីវភាពខ្វះខាតសម្រាប់គ្រួសារដោយសារចំណូលស្ទើរទាំងអស់របស់នាង បានមកតែបានការច្រៀងតែប៉ុណ្ណោះ។

ក្នុងនោះដែរ​ នាងមិនអាចរកចំណូលបានពីការច្រៀងអស់រយៈពេល៤ខែមកហើយ ដោយសារតែ កម្មវិធីឬ ហាងនានា ត្រូវបានបិទទាំងអស់ ព្រោះកូវីដ។

កន្លងមក បើទោះបីជាចំណូលការច្រៀងមិនបានច្រើន តែវាអាចជួបទប់ទល់ទៅលើការចំណាយប្រចាំថ្ងៃរបស់នាងបាន។ហើយណាមួយ នាងត្រូវរកប្រាក់ដើម្បីចំណាយលើ ការជួលផ្ទះ បង់ធនាគារនិង​ការចំណាយប្រចាំថ្ងៃដទៃទៀតផងដែរ។

ដោយឡែក រហូតមកទល់បច្ចុប្បន្ននេះ កញ្ញាខេង សម្ភស្ស មិនអាចរកចំណូលបាន ក្រៅការងារជាតារាចម្រៀង។ ក្នុងនោះ នាងក៏បានធ្វើការ Live លក់សម្លៀកបំពាក់ជជុះក្បាលគីប តាមហ្វេសប៊ុក តែលក់មិនដាច់ ឬកាក់កបនោះទេដោយសារតែនាងមិនមានលុយ Boost page ហើយមួយវិញទៀតនាងក៏មិនសូវមានមហាជនស្គាល់ច្រើន ដូចតារាដទៃទៀត។

 តែយ៉ាងណា ក៏មានសប្បុរសជន និង តារាមួយចំនួន ក៏ជួយឧបត្ថម្ភដល់រូបនាង ផងដែរ នៅក្នុងកាលៈទេសៈនៃការរីករាលដាលនៃជំងឺកូវីដ ដែលធ្វើឱ្យនាង បាត់បង់ចំណូលពីការងារជាតារាចម្រៀង៕

ជាមួយគ្នានោះដែរ នាងបានសរសេរបង្ហោះលើគណនីហ្វេសប៊ុកផ្ទាល់ខ្លួនដូច្នេះថា៖