ទៅកម្សាន្តជាមួយប្រពន្ធ តែស្ទាយ៍របស់ Justin ឡើង...

បរទេស៖ មិនថាពេលណានោះទេ សម្រាប់តារាចម្រៀង លោក Justin Bieber តែងតែទាញយកចំណាប់អារម្មណ៍ពីទស្សនិកជនជានិច្ច ជាមួយនឹងការបង្ហាញខ្លួនតាមទីកន្លែងផ្សេងៗ ជាពិសេស ក៏ដូចជាចាប់អារម្មណ៍ទៅលើស្ទាយ៍តែងខ្លួនរបស់តារាប្រុសរូបនេះ តែម្ដង។ 

ជាក់ស្ដែង ថ្មីៗនេះ តារាចម្រៀងប្រុសរូបនេះ បានធ្វើឲ្យហ្វេនៗភ្ញាក់ផ្អើលទៀតហើយ ជាមួយនឹងការបង្ហាញខ្លួនជាថ្មី បណ្ដើរភរិយាបណ្ដូលចិត្ត  នាង Hailey Baldwin នៅពេល ទៅទទួលទានអាហារនៅភោជនីយដ្ឋានប្រណីតមួយកន្លែងក្នុងទីក្រុង New York កាលពីល្ងាចថ្ងៃទី 4 ខែមិថុនា។

អ្វីដែលធ្វើឲ្យអ្នកគាំទ្រកាន់តែយកចិត្តទុកដាក់បំផុតនោះគឺ តារាចម្រៀងប្រុសរូបនេះ ស្រាប់តែបានតុបតែងខ្លួន ​ស្លៀក​ឈុត​រងា ​ពណ៌​ទឹក​ក្រូច​ចែងចាំង និងពោរពេញទៅដោយភាពទាក់ទាញយ៉ាងខ្លាំង ខណៈ​ដែល​ភរិយា​ស្លៀក​ខោ អាវ​ខ្លី​បង្ហាញ​ចង្កេះ​តូចស្ដើង និង​សិ.ច.ស៊ី​ក្នុង​ស្ទីល​រដូវ​ក្ដៅ ដែលគូស្នេហ៍តារាទាំងពីរនេះ បានស្លៀកពាក់ពីររដូវកាល ផ្ទុយគ្នាទាំងស្រុង៕

ប្រភព៖ Ngoisao.vn

សូមទស្សនារូបភាពខាងក្រោម៖