មិនដោះស្រាយរឿងក្ដី បែរជាទៅហាងប៊្រេនៗ មានអី Bitoey ត្រូវគេ.ជេ..រ.ព្រាត

ថៃ៖ នៅតែជាករណី ដែលត្រូវបានមហាជនជាច្រើន តាមដាន ជាបន្តបន្ទាប់ ទៅលើតារាចម្រៀងស្រី Bitoey និងស្វាមី លោក DJ Man ជាមួយនឹងការជាប់ពាក់ព័ន្ធ ករណី Forex-3D ដែលក្រោយមក រូបនាងបានសុំផ្អាកការណាត់ជួប ដើម្បីបញ្ជូនឯកសារទៅ DSI និងពន្យារពេលទៅថ្ងៃទី ១ ខែវិច្ឆិកា ឆ្នាំ ២០២២ ខាងមុខនេះ។ 

ដោយឡែក កាលពីថ្មីៗនេះ ស្រាប់តែមាន ទំព័រហ្វេសប៊ុកមួយ បានបង្ហោះពីការវា.យ.លុក ទៅលើតារាស្រី Bitoey បន្ទាប់ពីឃើញតារាចម្រៀងស្រីរូបនេះ មិនបានទៅចូលរួមតាមការណាត់របស់ DSI និងបានបញ្ជូនមេធាវីឱ្យពន្យារពេល ប៉ុន្តែ រូបនាងបែរជា មកចូលរួមព្រឹត្តិការណ៍មួយរបស់ម៉ាកប្រណីត Dior ដែលបានប្រារព្ធឡើងកាលពីយប់ថ្ងៃទី ១៩ ខែតុលា កន្លងទៅនេះ។ 

លើសពីនេះ តាមរយៈការបង្ហាញបែបនេះ បានធ្វើឲ្យអ្នក​លេងអ៊ីនធើណេតជាច្រើន ​ចូល​មក​រិះ.គ.ន់​លើរឿង​នេះ​យ៉ាង​ខ្លាំង ដែលភាគី​ជា​ច្រើន​ មាន​ការ​អាណិត​អាសូរ​ដល់​ជន​រង​គ្រោះ ​ដែល​មិន​ទាន់បាន​ទទួលការដោះស្រាយតាម​វិធី​ណា​មួយ​ឡើយ៕

ប្រភព៖ Kapook

សូមទស្សនារូបភាពខាងក្រោម៖