ទឹកចិត្តល្អតាំងពីក្មេង លំដាប់រងទី៣Miss Preteen Internationalកម្ពុជា ធ្វើរឿងនេះគួរឲ្យសរសើរ

ភ្នំពេញ៖ បើរម្លឹកដល់ថ្ងៃប្រកួតកម្មវិធី Miss Preteen International Cambodia 2022 ពិតជាមានភាពភ្ញាក់ផ្អើលយ៉ាងខ្លាំង ខណៈមានមហាជនគាំទ្រច្រើនយ៉ាងដូច្នេះ។ ពិតណាស់ពីកម្មវិធីក៏ស្វែងរកឃើញម្ចាស់ជ័យលាភី ក៏ដូចជាម្ចាស់ជ័យរងចំនួន៤នាក់ ដែលសុទ្ធសឹងតែវ័យក្មេង ប៉ុន្តែមានសមត្ថភាពខ្លាំងមិនធម្មតាឡើយ។ 

យ៉ាងណាមិញ បើក្រឡេកមើលបវរកញ្ញាលំដាប់រងទី៣ Miss Preteen International Cambodia 2022 គឺបានទៅលើយុវតី គង់ច័ន្ទណារីយ៉ា ដែលមានលេខសម្គាល់លេខ១។ មូលហេតុដែលធ្វើឲ្យយុវតីរូបនេះបានគ្រងតំណែងកំពូលលំដាប់រងទី៣ ក៏ព្រោះតែនាងមានជឿជាក់ ភាពក្លាហាន ព្រមទាំងចំណេះដឹង និងសមត្ថភាពល្អ បូករួមនឹងរូបសម្ផស្សស្រស់ស្អាតផងដែរ។ 

ជាក់ស្ដែង ស្របពេលគ្រងតំណែងលំដាប់រងទី៣ភ្លាម នាថ្ងៃនេះផ្ទាល់យុវតី គង់ ច័ន្ទណារីយ៉ា និងគ្រួសារបាននាំយកថវិកា និងអំណោយផ្សេងទៀត យកទៅចែកជូនដល់លោកតាធាក់ស៊ីក្លូដែលនៅជិតផ្សារថ្មីផងដែរ។ ជាមួយគ្នានេះដែរ ទង្វើដ៏ល្អមួយនេះពិតជាគួរឲ្យសរសើរដល់ទឹកចិត្តដ៏ជ្រះថ្លារបស់នាងខ្លាំងតែម្ដង៕ 

សូមទស្សនារូបភាពខាងក្រោម៖