ឡើងឆាកប្រគុំតន្ត្រីលើកដំបូង ប្អូនស្រី ពេជ្រ សូលីកា លេងខ្លួនឡើងខ្ញង់

ភ្នំពេញ៖ ក្រោយវិលចូលសិល្បៈវិញ តារាចម្រៀង និងតារាសម្ដែងអ្នកនាង ពេជ្រ សូលីកា កាន់តែមានទីផ្សារក្នុងវិស័យសិល្បៈជាងមុន។  ដោយបច្ចុបប្បន្ន នាងរឹតតែមានភាពមមាញឹក ជាមួយនឹងការងារច្រៀងនៅតាមconcertទាំងក្នុងក្រុង និងតាមបណ្ដាខេត្តនាៗ។ 

យ៉ាងណាមិញ និយាយដល់ប្អូនស្រីអ្នកនាង ពេជ្រ សូលីកា ជឿថា ប្រិយមិត្តជាច្រើនប្រាកដជាបានស្គាល់ ដោយតារារូបនេះ តែងតែបង្ហាញមុខប្អូនស្រីលើបណ្ដាញសង្គមជានិច្ច។ ម្យ៉ាងវិញទៀត គេដឹងថាប្អូនតារារូបនេះ រូបសម្រស់ស្អាត និងដុងសិល្បៈ មិនចាញ់បងប៉ុន្មានឡើយ។ 

លើសពីនេះទៅទៀត ថ្មីៗនេះ គេដឹងថាម៉ីជីញ ប្អូនស្រីអ្នកនាង ពេជ្រ សូលីកា ទើបតែបានឡើងលើឆាកប្រគុំតន្ត្រីជាលើកដំបូង។អំឡុងពេលបង្ហាញវត្តមានលើឆាកជាមួយបងស្រី គេឃើញនាងតូចរូបនេះ បង្ហាញក្បាច់រាំយ៉ាងរស់រវើងតែម្ដង។ បើក្រឡេកមើលការរៀបចំខ្លួន មើលទៅពិតជាស្រស់ស្អាត ឃ្យូត និងមានភាពទាក់ទាញខ្លាំង៕ 

សូមទស្សនារូបភាពខាងក្រោម៖