Carina Lau រៀបចំខួបឲ្យក្មួយប្រុស រំពឹងថាជាអ្នកទទួលទ្រព្យសម្បត្តិនាង

ចិន៖ ថ្មីៗនេះ នៅលើទំព័រផ្ទាល់ខ្លួនរបស់ តារាសម្តែងស្រី Carina Lau បានបង្ហោះរូបថតជាច្រើនសន្លឹកដែលថតជាមួយនឹងក្មួយប្រុសរបស់នាង Jeff នៅថ្ងៃខួបកំណើតក្មួយប្រុសសង្ហារូបនេះតែម្ដង ព្រមទាំងជាការរៀបចំពីខាងក្រុមគ្រួសារ រួមទាំងតារាស្រីរូបនេះ ទៀតផង។ 

តាមរយៈនេះ បានឲ្យដឹងថា តារាស្រី Carina Lau និងក្មួយប្រុសរបស់នាង គឺពិតជាមានភាពស្និទ្ធស្នាលនឹងគ្នាខ្លាំងណាស់ នៅក្នុងរយៈពេលប៉ុន្មានឆ្នាំចុងក្រោយនេះ ខណៈពេលដែល នាង និងស្វាមី លោក Tony Leung បានផ្លាស់ទៅរស់នៅចិនដីគោក ដែលធ្វើឲ្យនាងកាន់តែជិតស្និទ្ធជាមួយនឹងបងប្រុស ព្រមទាំងគ្រួសារទាំងមូលនិងអាចមានឱកាសជួបជុំគ្នា ក្នុងកម្មវិធីសំខាន់ផ្សេងៗ។ 

មិនត្រឹមតែប៉ុណ្ណោះ យោងតាមទំព័រដ៏ល្បី ក៏បានបង្ហាញទៀតថា តារាស្រីរូបនេះ ស្រលាញ់ក្មួយប្រុសរបស់នាងខ្លាំងណាស់ ខណៈពេល​ដែលបាន​រៀន​ចប់​មហាវិទ្យាល័យ នាង​បាន​ឲ្យ​ក្មួយប្រុស​ជិះ​ឡាន​ថ្លៃៗ និងតែងតែនាំ ទៅចូលរួមក្នុងសកម្មភាព នៅក្នុងពិភពកម្សាន្តជាញឹកញាប់។ អ្វីដែលសំខាន់នោះគឺ ថែមទាំងមានការបង្ហើបថា ក្មួយប្រុសរបស់នាងរូបនេះ ត្រូវបានគេរំពឹងថា អាចនឹងទទួលមរតកទ្រព្យសម្បត្តិ ពីម្ដាយមីង ដែលមានប្រមាណខ្ទង់ ៨០០ លាន HKD (ជាង ១០១ លានដុល្លារ) ៕

ប្រភព៖ Ngoisao.net

សូមទស្សនារូបភាពខាងក្រោម៖