ជាង១០ឆ្នាំមកហើយ! ទីបំផុត After school បានសម្តែងបទ «Bang» លើឆាកសាជាថ្មី (មានវីដេអូ)

ក្រុមចម្រៀងនារីជំនាន់ទី២ After School របស់ផលិតកម្ម Pledis ដែលលេចមុខក្នុងវិស័យខេផបនៅឆ្នាំ២០០៩ បានមានវត្តមានម្តងទៀតនៅលើកម្មវិធីរបស់កូរ៉េមួយកាលពីថ្មីៗនេះ។ 

ក្រុមនារី After school ត្រូវបានគេអញ្ចើញជាភ្ញៀវកិត្តិយសនៅក្នុងកម្មវិធីទូរទស្សន៍មួយរបស់កូរ៉េមួយ (MMTG) ដែលមាន JaeJae ជាពិធីការ។ ជាក់ស្តែងសមាជិក After school តែប្រាំរូបប៉ុណ្ណោះដែលមានវត្តមានលើកម្មវិធី (Kai Jungah Jooyeon Rania & Bekah) ដែលអាចមកពីសមាជិកខ្លះមានធុរៈផ្ទាល់ខ្លួនមិនអាចចូលរួមបាន។ អ្វីដែលរឹតតែពិសេសខ្លាំងនោះគឺ After school បានរំលឹកនូវអនុស្សាវរីយ៍ចាស់ ដោយពួកគេបានសម្តែងនៅបទចម្រៀងមួយដែលល្បីរន្ធឺកាលពីជំនាន់មុន ដែលបទនោះមានចំណងជើងថា "Bang" ដែលចេញកាលពីឆ្នាំ២០១០ ដែលបទនេះពិតជាធ្វើឲ្យ After school ទទួលបានប្រជាប្រិយភាពខ្លាំងណាស់ ជាពិសេសរួមផ្សំជាមួយក្បាច់រាំមានស្គរតែម្តង។ 

គោលបំនងនៃកម្មវិធីនេះគឹចង់ផ្តោតសំខាន់ទៅលើវិស័យចម្រៀងខេផបកាលពីជំនាន់មុន ដោយមានតារាជាច្រើនត្រូវបានគេអញ្ជើញជាភ្ញៀវកិត្តិយសដើម្បីរំលឹកដល់អនុស្សាវរីយ៍ចាស់ៗផងដែរ៕

សូមទស្សនារូបភាព និងវីដេអូខាងក្រោម៖