ហ្វេនៗភ្ញាក់ផ្អើលខ្លាំង ក្រុមចម្រៀង 2PM ទម្លាក់វីដេអូខ្លីសម្រាប់ការ Come Back នាពេលខាងមុខ (Video Inside)

កូរ៉េខាងត្បូ​ង៖ កាលពីថ្មីៗនេះ ក្រុមចម្រៀងលេងមាឌសាច់ដុំធំៗ 2PM បានទម្លាក់វីដេអូខ្លីជាផ្លូវការ នៅលើបណ្តាញសង្គមយូធូប សម្រាប់ការត្រលប់មកវិញរបស់ពួកគេ ព្រមទាំងនឹងអាល់ប៊ុមស្ទូឌីយោធំ បានធ្វើឲ្យមហាជន ក៏ដូចជាហ្វេនៗ អន្ទះជាខ្លាំង។

តួយ៉ាង ដូចដែលបានប្រកាស 2PM នឹងធ្វើការត្រឡប់មកវិញ ចុងខែមិថុនានេះ ដែលបានធ្វើឲ្យអ្នកគាំទ្រ ចាប់អារម្មណ៍ជាខ្លាំង  ដែលវីដេអូក្នុងរយៈពេល ១នាទីជាង ដែលបង្ហាញសមាជិក នីមួយៗ បានបង្ហាញខ្លួនយ៉ាងសង្ហា បានធ្វើឲ្យអ្នកទស្សនាមានភាពជ្រួលជ្រើមកាន់តែខ្លាំងឡើង នៃមន្តស្នេហ៍រសនិយមបែបបុរស របស់ពួកគេ។

ជាមួយគ្នាដែរ ក្នុងបទចម្រៀង «MUST» នៅក្នុងអាល់ប៊ុមពេញរបស់ពួកគេដែលមានឈ្មោះថា «The Hottest Origin» នឹងត្រូវចេញចុងខែ ត្រូវនឹងថ្ងៃទី​២៨ នាពេលខាងមុខនេះដូច្នេះដែរ។

កុំឲ្យខាងពេលយូរ ចឹងដឹងទេថា វីដេអូខ្លីរបស់ក្រុមចម្រៀងបុរសមួយនេះ តើថាពួកគេត្រលប់មកវិញមានភាពប្លែក ក៏ដូចជាស្រស់សង្ហាកម្រិតណា! សូមទស្សនាវីដេអូខាងក្រោម៖