ក្រោយសង្ស័យជាប់ពាក់ព័ន្ធរឿងអាស្រូវ Yang Mi ស្រាប់តែបង្ហាញខ្លួនបែបនេះ ឲ្យហ្វេនៗអស់បារម្ភ

ចិន៖ អស់រយៈពេលជិតមួយសប្តាហ៍មុននេះ ស្រាប់តែមានរឿងភ្ញាក់ផ្អើលនៅក្នុងឧស្សាហកម្មកម្សាន្ត ចំពោះរឿងអាស្រូវរបស់ តារាស្រី Zhao Wei ហើយបន្ទាប់ពីព័ត៌មាននេះបានផ្ទុះឡើង ក៏មានពាក្យចចាមអារាមលើកឡើងថា តារាស្រី Yang Mi អាចជាតួអង្គបន្ទាប់ដែលត្រូវគេបោសសំអាត ដែលធ្វើឲ្យហ្វេនៗជាច្រើន មានការព្រួយបារម្ភយ៉ាងខ្លាំងទៅលើអាជីពសិល្បៈរបស់នាង។

តែទោះយ៉ាងណា ថ្មីៗនេះ​ ដោយតាមប្រភពព័ត៌មានមួយ បានបង្ហាញឲ្យដឹងថា មានគេចាប់បានរូបភាពរបស់ តារាស្រី Yang Mi ដែលកំពុងតែដើរនៅតាមដងផ្លូវមួយ ក្នុងទីក្រុងប៉េកាំង ហើយនេះក៏ជាលើកដំបូងដែរ ក្នុងពេលដែលតារាស្រីរូបនេះ បានបង្ហាញខ្លួន បន្ទាប់ពីមានពាក្យចចាមអារ៉ាមទាក់ទងនឹង Zhao Wei ព្រមជាមួយនឹងការតែងខ្លួនយ៉ាងសាមញ្ញថែមទៀតផង។

មិនត្រឹមតែប៉ុណ្ណោះ នៅលើបណ្តាញសង្គម អ្នកលេងអ៊ីនធឺណេតចិន បានបញ្ចេញមតិថា Yang Mi ហាក់ដូចជាមានអារម្មណ៍ល្អណាស់ ដែលបានចេញមកកម្សាន្តជាមួយមិត្តល្អរបស់នាង ដោយគ្មានទុក្ខព្រួយអ្វីឡើយ ព្រមទាំងបានធ្វើឲ្យហ្វេនៗជាច្រើនអស់ក្ដីបារម្ភ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖