ចេះ​រកនឹក​ឃើញ! BTS ដាក់វិញ្ញាសារឲ្យអ្នកគាំទ្រប្រឡង​ទាំង​កណ្ដាល​យប់

កូរ៉េខាងត្បូង៖ ខែមិថុនា គឺជាខែកំណើតរបស់ក្រុម BTS ដូចនេះក្រុមនេះបានបង្កើតកម្មវិធី FESTA ដែលមានការ​កំសាន្ត​ប្លែកៗជាច្រើនដល់អ្នកគាំទ្ររហូតដល់ថ្ងៃទី ១៣ ដែលជាថ្ងៃ anniversary តែម្ដង។​ អ្វីដែលនឹកស្មាន​មិនដល់​នោះគឺនៅម៉ោង ១០ កាលពីយប់មិញ ដែលនឹងត្រូវនឹង៉ោង ១២ យប់នៅប្រទេសកូរ៉េខាងត្បូង BTS បានដាក់​វិញ្ញាសារ​​ប្រឡងឲ្យអ្នកគាំទ្រដែលជាវិញ្ញាសារទាក់ទងនឹងពួកគេ។ យ៉ាងណាមិញវិញ្ញាសារនេះគឺបានរៀបចំឡើងដោយក្រុមការងារក្នុងផលិតកម្ម ហើយម្ចាស់ផលិតកម្មបាននិយាយថា អ្នកណាធ្វើបានពិន្ទុពេញគាត់នឹងប៉ាវញ៉ាំសាច់គោ ប៉ុន្តែស៊យទៅវិញ ព្រោះអ្នកគាំទ្ររបស់ពួកគេធ្វើធ្លាក់ឡើង ៨៥%។

អ្នកគាំទ្ររបស់ BTS ធ្លាប់តែជឿជាក់ថាបើវិញ្ញាសារប្រឡងនៅសាលារាល់ថ្ងៃចេញពី BTS គឺប្រាកដជាជាប់យ៉ាងងាយ​ស្រួលហើយ! ប៉ុន្តែអ្នកគាំទ្រមិននឹកស្មានថាវិញ្ញាសាររបស់ BTS អាចនឹងពិបាកខ្លាំងយ៉ាងនេះ! តើអ្នកណាទៅដឹងថា​ទំហំស្មាររបស់ JIN ប៉ុន្មាន? ឲ្យរកពាក្យដែលពួកគេធ្លាប់និយាយតាំងពីយូរហើយ និងថែមទាំងឲ្យគូរគំនូរទៀត! ទោះបីជា​អ្នកគាំទ្របានចែករំលែកចម្លើយគ្នាជាបណ្ដាញហើយក៏នៅតែមានអ្នកធ្លាក់ច្រើនទាល់តែបាន។​ យ៉ាងណាក៏ពួកគេរនៅតែមានភាពរីករាយក្នុងការធ្វើវិញ្ញាសារនេះ ព្រោះវាជាបទពិសោធន៍មួយដែលនឹកស្មាន​មិនដល់​ហើយ​បានបង្កើតភាពស្និទ្ធិស្នាលរវាងអ្នកគាំទ្រគ្នាឯងទៀត។  ពិតជាសរសើរ BTS ដែលពូកែរកនឹកធ្វើអីសប្បាយៗ ជាពិសេស​គឺបង្អើលអ្នកគាំទ្រឲ្យប្រឡងទាំងកណ្ដាលយប់នឹងហ្មង។​ ប៉ុន្តែកុំអាក់អន់ចិត្តអី ARMY! ព្រោះ BTS ក៏បាន​ធ្វើវិញ្ញសារប្រឡងនេះដែរហើយពួកគេក៏ឆ្លើយមិនត្រូវដូចគ្នា។

សូម្បីតែម្ចាស់ខ្លួនឯងក៏ឆ្លើយពីខ្លួនឯងមិនត្រូវ ធ្វើឲ្យ Jin សឹងតែលែងស្គាល់ខ្លួនឯង។​ អ្នកដែលបានពិន្ទុខ្ពស់បំផុតគឺ J-Hope និង​ Jungkook ដែលបានពិន្ទុ ៨២.៥។ បន្ទាប់មកគឺ RM បាន ៧៥ ពិន្ទុ។ Jin បាន ៦៥ ពិន្ទុ។ Jimin បាន ៦២.៥ពិន្ទុ។ ហើយបានពិន្ទុទាបជាងគេគឺ Suga និង​ V ៥៧.៥ពិន្ទុ។

ចុះ ARMY វិញឆ្លើយបានប៉ុន្មានសំណួរហើយបានប៉ុន្មានពិន្ទុដែរ?