ឡើងដូចកម្លោះក្រមុំ ពេល ជា វិបុល និងភរិយា ថតរូបបែបនេះជាមួយគ្នា

សៀមរាប៖ ពិតណាស់ ដូចដែលយើងទាំងអស់បានដឹងរួចមកហើយ គូស្វាមីជាសិល្បករ និងសិល្បការិនី អ្នកនាង គង់ សុជាតិ និង លោក ជា វិបុល  ជាញឹកញាប់តែងបង្ហាញភាពផ្អែមល្អែមខ្លាំងជាមួយគ្នាលើបណ្តាញសង្គមហ្វេសប៊ុក ជាបន្តបន្ទាប់។ 

ជាមួយគ្នានេះ គេធ្លាប់តែឃើញ គូស្វាមីភរិយាស្រស់ស្អាត ស្រស់សង្ហារូបនេះមិនដែលឃ្លាតគ្នាឡើយ ដោយតែងតែចំណាយពេលដើរលេងលំហែកាយ វិស្សមកាលជាមួយគ្នារហូត។ ជាក់ស្តែងណាស់ គេក៏ដឹងដែលថា ស្វាមីភរិយាជាសិល្បកររូបនេះ ភាគច្រើនតែងបង្អួតរូបភាពរបស់ខ្លួននៅចំការ នៅពិធីរៀបមង្គលការ ដោយធ្វើជាដៃគូពិធីកររួមគ្នាជាដើម។

ជាក់ស្ដែង អ្វីដែលពិសេសនោះ គឺថ្មីៗនេះ គេឃើញពិធីករប្រុស លោក ជា​ វិបុល បានបង្ហោះរូបសើចសប្បាយជាមួយភរិយារបស់ខ្លួនលើទឹកដីខេត្តសៀមរាប នាងពេលចូលឆ្នាំកន្លងទៅថ្មីៗនេះ ក្នុងសម្លៀកបំពាក់បុរាណប្រពៃណីខ្មែរ។ មិនតែប៉ុណ្ណោះ គេក៏ឃើញស្នាមញញឹមអ្នកទាំងពីរ ពិតជាស្រស់បំព្រងខ្លាំងណាស់ ហាក់បីដូចជាកំពុងបង្ហាញភាពរីករាយចេញពីបេះដូង ដោយគ្មានលាក់លៀមទុកអ្វីបន្តិចសោះ ដូចកម្លោះក្រមុំ ទើបតែសាងស្នេហ៍ដំបូងអញ្ចឹង៕

សូមទស្សនារូបភាពខាងក្រោម៖