Marco ត្រូវបានគេស្គាល់ថាជាតារាប្រុស ដែលសើចឃ្យូតជាងគេ

កម្សាន្ត៖ ជាការពិតណាស់ មន្ដស្នេហ៍របស់ តារា Kpop គ្រប់រូបគឺនៅត្រង់ស្នាមញញឹម ដែលពួកគេសុទ្ធតែមានស្នាមញញឹមស្រស់ស្អាត។ អ្វីដែលគួរឲ្យចាប់អារម្មណ៍ជាងនេះទៅទៀតនោះ តារាចម្រៀង Marco ត្រូវបានគេស្គាល់ថា មានស្នាមញញឹមខ្ជូតជាងគេក្នុងចំណោមតារាប្រុសទាំងអស់។

ទន្ទឹមនឹងនោះ Marco គឺជាសមាជិកក្រុម HBY ដែលលោកជាតារាចម្រៀង និង រ៉េប ហើយលោកបានធ្វើឲ្យហ្វេនៗ និង តារាប្រុសដូចគ្នា និយាយមិនចេញព្រោះតែស្នាមញញឹមដ៏គួរឲ្យស្រលាញ់។ ជាងនេះទៅទៀត មានម្ដងនោះ ក្នុងកម្មវិធីប្រកួតមួយ Rain បានហៅឈ្មោះ Marco បម្រុងនឹងស្ដីបន្ទោសទាំងទឹកមុខស្មើ។

ដោយឡែក Rain ក៏បានញញឹមតាម ហើយក៏ស្ងាត់មាត់ស្ដីមិនចេញទៅវិញ ក៏ព្រោះតែស្នាមញញឹមរបស់តារាប្រុសរូបនេះ ។ ជាមួយគ្នានេះដែរ Marco ត្រូវបានគេចាប់អារម្មណ៍ជាងគេត្រង់ចំណុចនេះ ហើយក៏ត្រូវគេស្គាល់ថាជាតារាប្រុសដែលសើចគួរឲ្យស្រលាញ់តែម្ដង៕

ប្រភព៖ អ៉ិនធើណែត