កម្សាន្ត៖ តារាសម្ដែងថៃ ដែលមានកេរ្តិ៍ឈ្មោះល្បីល្បាញ និង ជាតួឯកស្រីដែលមានចរិកញិកញក់គួរឲ្យខ្នាញ់ Chippy បានបង្ហោះរូបប៉ុន្មានយ៉ាងស្រស់ស្រាយ។ ជាពិសេស តារាស្រីរូបនេះ ញញឹមស្រស់ ហាក់ដូចជាកំពុងរីករាយនឹងជីវិត Single របស់ខ្លួន។
កាលពីពេលថ្មីៗនេះ តារាសម្ដែងស្រី Chippy បានបង្ហោះរូបជាច្រើនសន្លឹកជាមួយនឹងការតែងខ្លួនបែបសាមញ្ញៗ ហាក់ដូចជាកំពុងតែសប្បាយរីករាយនឹងធម្មជាតិ។ នៅក្នុងនោះ នាងបានពាក់អាវខើចពណ៌ទឹកក្រូច ខោកាប៊យខ្លី ផាត់មុខតិចៗ ឈរថតនៅលើផ្ទះយ៉ាងស្រស់ស្អាត។
ទន្ទឹមនឹងនោះ Chippy តែងតែទទួលបាន ការស្រលាញ់ គាំទ្រ ពីមហាជនជាច្រើន ហើយនាងថែមទាំងមានទេពកោសល្យសិល្បៈ និង សម្រស់ស្អាតទៀត ប៉ុន្ដែបែរជានៅទំនេរមិនព្រមយកសង្សារទៅវិញ។ គួរបញ្ជាក់ផងដែរថា តារាស្រីរូបនេះ តាំងពីបែកជាមួយសង្សារកាលពី ឆ្នាំ២០១៩ មក ខ្លួនមិនទាន់បើកបេះដូងនៅឡើយទេ៕
ប្រភព៖ Chippy Sirin Preediyanon