ជូរចត់ណាស់ សង្ហាដូចAdmin ជីងចក់ហើយ ក៏នៅគេធ្វើបាបចិត្ត (មានវីដេអូ)

រាជធានីភ្នំពេញ ៖ នរណាៗក៏ស្គាល់ដែរ លោក ជឿន ប៊ុនចក់ ដែលមនុស្សម្នា ភាគច្រើន ស្គាល់លោក ក្នុងឈ្មោះថា Admin ជីងចក់ ជាអ្នកអត្ថាធិប្បាយការប្រកួតកីឡា ល្បីឈ្មោះមួយ ក្នុងបណ្តាញសង្គម ជាងនេះទៅទៀត រូបលោក តែងគេចាប់អារម្មណ៍ខ្លាំង ជាមួយនឹង ជីវិតប្រៀបនឹងអភិជនផងដែរ។

ទន្ទឹមនឹងនេះ ធ្លាប់តែដឹងថា Adminជីងចក់ មិនចង់បានភរិយាជានារីក្រមុំស្រស់ស្អាត បែររើសមេម៉ាយស្កុក កូនមួយ ដែលជាភរិយាសព្វថ្ងៃព្រោះ តែធ្លាប់បង្ហើបថា នារីភាគច្រើនជាញី មិនជាស្រីនោះឡើយ ហើយមកត្រូវចិត្តនឹងភរិយាសព្វថ្ងៃនេះ។

យ៉ាងណាមិញ ក្រោយរៀបការជីវិតគ្រួសារស្រស់បំព្រងហើយនោះ Adminជីងចក់ ទម្លាយប្រវត្តិជូរចត់ ស្នេហាដំបូងរបស់ខ្លួន ត្រូវគេក្បត់នឹងមុខ ឈឺចិត្តគាំងយោបល់ ខណៈអ្នកទាំងពីរត្រូវចាស់ទុំដឹងឮរួចហើយ មិនតែប៉ុណ្ណោះ គ្រោងនឹងចូលរោង ក្នុងរយៈពេល១ ទៅ២ឆ្នាំខាងមុខ ស្រាប់តែ គាប់ជួន ត្រូវចាប់ជាប់ខាងស្រី បែរជា មានមនុស្សប្រុសជិះរថយន្តទំនើប ទៅទទួលខាងស្រី ស្របពេលខ្លួនទៅដល់ដូចគ្នា ប៉ុន្តែខាងស្រីឡើងជិះឡានទៅវិញ រហូតធ្វើឲ្យខ្លួនខូចចិត្ត យំអស់២ថ្ងៃថែមទៀតផង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖