ស្នេហាបែបបើកចំហរ Joy អង្គុយញុំាអាហារជាមួយ Crush យ៉ាងរ៉ូមែនទិក

កម្សាន្ត៖ ជាការពិតណាស់​ តារាចម្រៀងស្រីដ៏ល្បីល្បាញ Joy សមាជិកក្រុម Red Velvets បានប្រកាសទំនាក់ទំនងស្នេហាជាមួយនឹង Crush ដែលជាតារា Kpop ដូចគ្នា។ មិនយូរប៉ុន្មានក្រោយពីទម្លាយមុខគូស្នេហ៍ហើយ Joy មិនខ្លាចនឹងបញ្ចេញភាពផ្អែមល្ហែមជាសាធារណៈនោះឡើយ។

ជាមួយគ្នានេះដែរ ហ្វេនៗបានចាប់អារម្មណ៍ជាខ្លាំងទៅលើរូបភាពថ្មីរបស់តារាស្រីនេះ ដោយភ្ជាប់ជាមួយខេបសិនថា ថ្ងៃមួយក្នុងខែមករា ដែលនេះ ហាក់ដូចជាសម្ដៅទៅលើថ្ងៃដែលណាត់ជួប Crush អញ្ចឹងដែរ។ មិនតែប៉ុណ្ណោះ នៅក្នុងនោះ Joy ថតស្ទាយ៍អង្គុយកាន់កែវ នៅក្នុងភោជនីយដ្ឋាន ដែលភាគច្រើនគេណាត់ជួបសង្សារនៅទីនោះ។

អ្វីដែលធ្វើឲ្យហ្វេនប្រាកដចិត្តថា Joy ណាត់ជួបជាមួយ Crush តែ២នាក់យ៉ាងស្វីតទៀតនោះ គឺនៅក្នុងកែវនោះ ចាំងឃើញរូបបុរសម្នាក់ដែលជាអ្នកថតឲ្យ។ គួរបញ្ជាក់ផងដែរថា តារាចម្រៀងទាំងពីររូបនេះ បានប្រកាសទំនាក់ទំនងស្នេហាកាលពីខែសីហាកន្លងទៅ បន្ទាប់ពីគេចាប់បានជាច្រើនដងថាណាត់ជួបគ្នាស្ងាត់ៗ៕

ប្រភព៖ SBS Star