ស្ងាត់ៗ អ្នកបម្រើលើយន្តហោះម្នាក់ទម្លាយពី បញ្ហាអាកប្បកិរិយា Irene Joy និង Yeri ថា...

កម្សាន្ត ÷ នៅថ្ងៃទី ២៦ ខែមីនា កន្លងទៅនេះ ឆានែលរឿងភាគជាច្រើននៅលើ YouTube បានចែករំលែករូបថតអេក្រង់នៃសហគមន៍បុគ្គលិកអនាមិក ដែលហៅថា Blind ហើយដើម្បីក្លាយជាសមាជិកនៃ Blind អ្នកត្រូវផ្ទៀងផ្ទាត់គណនីជាមួយ នឹងអ៊ីមែលការងាររបស់ពួកគេ។ 

យ៉ាងណា នៅក្នុងរូបថតអេក្រង់នោះ បុគ្គលិកនៃក្រុមហ៊ុនអាកាសចរណ៍ Korean Air បានសរសេរថា «Red Velvet បានឡើងជិះយន្តហោះនោះម្តង ហើយ Yeri Joy និង Irene គឺជាមនុស្សឈ្លើយ ពួកគេបានចាត់ទុកអ្នកបម្រើលើយន្តហោះដូចជាអ្នកបម្រើរបស់គេ តែពីរនាក់ទៀតគឺស្អាត និងមិនអីទេ»។ 

មិនតែប៉ុណ្ណោះ បុគ្គលិកម្នាក់ទៀតមកពី ក្រុមហ៊ុន Jeju Air Service បានឆ្លើយតបថាបន្ថែមលើមតិយោបល់ដំបូងថា Irene បានបោះអត្តសញ្ញាណប័ណ្ណ និងឆក់យកសំបុត្រពីបុគ្គលិក ដោយឬកពាមិនសមរម្យផងដែរ។

ទោះជាយ៉ាងណាក៏ដោយ នេះគ្រាន់តែជាការនិយាយតែម្ខាង ចំណែកខាងក្រុម Red Velvet ឬផលិតកម្មរបស់ពួកគេនៅមិនទាន់ឆ្លើយតមនឹងបញ្ហានេះនៅឡើងទេ៕

ប្រភព: Allkpop