ហ្វេនភ័យស្លន់ ពេលឃើញ Jimin រាំសុខៗ ស្រាប់តែចេញឈាមតាមជង្គង់

កូរ៉េខាងត្បូង៖ សូម្បីតែកំពូលតារាចម្រៀង K-Pop ដូចជា Jimin របស់ BTS ក៏រងរបួសនៅលើឆាកដែរ ប៉ុន្តែតារាចម្រៀងសង្ហារូបនេះ មិនចង់អោយឈាមបន្តិចបន្តួច បញ្ឈប់លោកពីការសម្តែងដ៏អស្ចារ្យនោះទេ។

នៅថ្ងៃទី ២៣ និង ២៤ ខែវិច្ឆិកា BTS បានប្រារព្ធពិធី Muster លើកទី ៥ របស់ពួកគេជាមួយក្រុមអ្នកគាំទ្រ ARMY នៅទីក្រុងជីបា ប្រទេសជប៉ុន។ នៅថ្ងៃដំបូង អ្នកគាំទ្របានថតបាន របួសជង្គង់ជាក់ស្តែងៗរបស់ Jimin តាមកាមេរ៉ារបស់ពួកគេ។ ដោយសាររូបភាពវីដេអូពីកម្មវិធីមានកំណត់វាមិនច្បាស់ទេ ហើយធ្វើឱ្យហ្វេនៗនឹកអាណិត និងភ័យជំនួស ថាតើ Jimin បានលុតជង្គង់បានយ៉ាងដូចម្តេច។

ក្នុងនោះ ខោរបស់ Jimin មិនត្រូវបានរហែកកំឡុងពេលច្រៀងចម្រៀងបទ “ Pied Piper” ……ប៉ុន្តែរន្ធតូចដែលរហែកមួយ អាចមើលឃើញនៅពេលដែល BTS សម្តែងបទ“ Boy With Luv” ។ ទោះជាយ៉ាងណា អ្នកគាំទ្រជាច្រើនមិនបានដឹងថា Jimin បានលុតជង្គង់ វាមិនប៉ះពាល់ដល់ការសម្តែងរបស់លោកទាល់តែសោះ។

ទន្ទឹមនេះ អរគុណណាស់ដែលរបួសហាក់ដូចជាស្រាលហើយ ក្រុមអ្នកគាំទ្រ ARMY ជឿជាក់ថា Jimin នឹងជាសះស្បើយយ៉ាងឆាប់រហ័ស។ ហើយយ៉ាងណាមិញ Jimin មិនអីនោះទេ ព្រោះតែលោកមានបទពិសោធន៍ពេញខ្លួនតែម្តង៕

ប្រភព៖ Koreaboo