ជីវិតនៅលីវគ្មានប្ដីកូន Rosamund Kwan សុខចិត្តឲ្យទ្រព្យទាំងអស់ទៅប្អូន

ហុងកុង៖ បន្ទាប់ពីបានដកខ្លួនចេញពី វិថីសិល្បៈដែលធ្វើឲ្យមានកេរ្ត៍ឈ្មោះល្បីល្បាញហើយ បច្ចុប្បន្ននេះ អតីតតារាសម្ដែងហុងកុង Rosamund Kwan នៅតែត្រូវបានមនុស្សជាច្រើន សរសើរពីសម្រស់វ័យក្មេង ជាពិសេស ពួកគេកាន់តែចាប់អារម្មណ៍យ៉ាងខ្លាំងទៅលើ ភាពជោគជ័យក្នុងមុខជំនួញ របស់នាង ។

អ្វីដែលគួរឲ្យកត់សម្គាល់នោះគឺ ខណៈស្ថិតក្នុង​វ័យឈានចូល ​៥៩​ ឆ្នាំ តារា​ស្រី​រូប​នេះ​ ហាក់រស់នៅ​តែម្នាក់ឯង ​គ្មាន​កូន គ្មាន​មនុស្សពិសេសផ្ទាល់ខ្លួន បន្ទាប់ពី ជួបរឿងបែកបាក់ ក្នុងជីវិតអាពាហ៌ពិពាហ៌រហូតដល់់ទៅ ២ ដង ថែមទៀត។ 

យ៉ាងណាមិញ ថ្មីៗនេះ យោងតាមប្រព័ន្ធផ្សព្វផ្សាយមួយ ស្រាប់តែ លើកឡើងពីរឿងដ៏គួរឲ្យចាប់អារម្មណ៍របស់ អតីតតារាស្រីរូបនេះ ស្របពេលដែល នាងបានក្លាយជានារីដ៏ជោគជ័យ ព្រមទាំងជាម្ចាស់ទ្រព្យសម្បត្តិដ៏ច្រើនមហាសាលនោះ តារាស្រីរូបនេះ បានបើកចំហនៅក្នុងបទសម្ភាសន៍មួយ ដោយបានបញ្ជាក់ថា បច្ចុប្បន្ននេះ នាងកំពុងរស់នៅក្នុងជីវិតល្អ មានសេរីភាព និងមិនចង់ស្វែងរកដៃគូជីវិតទៀតទេ ជាពិសេស Rosamund Kwan បានបន្ថែមទៀតថា នៅថ្ងៃអនាគត ទ្រព្យសម្បត្តិរបស់នាង នឹងទុកឲ្យប្អូនប្រុសរបស់ខ្លួន តែប៉ុណ្ណោះ៕ 

ប្រភព៖ Ngoisao.vn

សូមទស្សនារូបភាពខាងក្រោម៖