រូប Jung Hae In ទាំងនេះ ធ្វើឲ្យហ្វេនមិនអស់ចិត្តនឹងរឿង Snowdrop

កម្សាន្ត៖ ជាការពិតណាស់ រឿងភាគកូរ៉េដ៏ល្បីល្បាញ Snowdrop បានបញ្ចប់កាលពីពេលថ្មីៗកន្លងទៅនេះ ជាមួយនឹងសាច់រឿងដ៏សែនកម្សត់ ដែល តួឯកប្រុស បានបាត់បង់ជីវិតចោល តួឯកស្រី។ ជាមួយគ្នានេះដែរ វាបានធ្វើឲ្យ ទស្សនិកជន សោកសង្រែកជក់ចិត្តនឹងការសម្ដែងរបស់ តួឯកប្រុស ដែលសម្ដែងដោយ Jung Hae In។

ទន្ទឹមនឹងនោះ តារាសម្ដែងមុខស្រស់នេះ បានបង្ហោះរូបប៉ុន្មានសន្លឹក ធ្វើឲ្យហ្វេនៗកាន់តែនឹករលឹកដល់រឿងភាគកូរ៉េដែលបានបញ្ចប់ទៅទាំងមិនអស់ចិត្ត។ នៅក្នុងនោះ Jung Hae In បានបង្ហោះរូបខ្លួន ដែលបានថតក្នុងកំឡុងពេលសម្ដែងខ្សែភាពយន្ដមួយនេះ។

មិនតែប៉ុណ្ណោះ តារាសម្ដែងតួឯករូបនេះ ក៏ហាក់ដូចជា នឹកដល់គ្រា ដែលខ្លួនបានសម្ដែងជា តួអង្គ Suho ព្រមទាំងអនុស្សាវរីយ៍ជាមួយតួឯកស្រីដែលសម្ដែងដោយ Jisoo ផងដែរ។ ជាពិសេស រូបទាំងនោះ ថតនៅកន្លែងខុសគ្នា ដែលកន្លែងនីមួយៗបង្កប់ទៅដោយអនុស្សាវរីយ៍ជាច្រើន មានតែទស្សនិកជនទេទើបឃើញហើយនឹកតែម្ដង៕

ប្រភព៖ hollyhaein