ក្នុងវ័យជាង៥០ Kathy Chow បង្ហាញជីវិតSingle ឡើងស៊ីវីល័យ
ហុងកុង៖ អាចនិយាយបានថា តារាសម្ដែងជើងចាស់ Kathy Chow គឺធ្លាប់ជាស្រីស្អាតម្នាក់របស់ TVB ដែលមានទទួលបាននូវភាពជោគជ័យទាំងអាជីព និងការគាំទ្រចំពោះសម្រស់ដ៏ផូរផង់របស់នាង ប៉ុន្តែសម្រាប់ជីវិតរស់នៅ របស់តារាស្រីរូបនេះ គឺមានភាពរញ៉េរញ៉ៃខ្លាំង ចំពោះរឿងអាពាហ៍ពិពាហ៍។
ទោះជាយ៉ាងណាក៏ដោយ តារាស្រី Kathy Chow ក៏បានចែករំលែកជាមួយប្រព័ន្ធផ្សព្វផ្សាយថា ខ្លួនពិតជាពេញចិត្តនឹងជីវិត ដែលមានសេរីភាពបែបនេះ ស្របពេលដែលមានវ័យ ៥៦ឆ្នាំ និងបានរស់នៅតែម្នាក់ឯង ជាមួយសត្វឆ្កែ ៥ក្បាលអស់រយៈពេលជាច្រើនឆ្នាំ នៅក្នុងវីឡាមួយក្នុងទីក្រុងប៉េកាំង ព្រមទាំងលែងគិតគូររឿងរៀបការ និងមានកូនទៀតហើយ។
ជាពិសេស បច្ចុប្បន្ននេះ ជីវិតរស់នៅរបស់ Kathy Chow កាន់តែមានភាពស៊ីវីល័យជាមួយនឹង ភាពនៅលីវរបស់នាង ដោយត្រូវបានគេដឹងថា ផ្ទះវីឡារបស់តារាស្រីរូបនេះ គឺស្ថិតនៅជាយក្រុង មានដីធំទូលាយ ដោយរូបនាង បានចំណាយពេលភាគច្រើន គឺធ្វើការដាំរុក្ខជាតិ ផ្កា ធ្វើម្ហូប និងមើលថែសត្វចិញ្ចឹម។ ដៃគូរបស់នាងនៅក្នុងផ្ទះធំគឺជាឆ្កែចិញ្ចឹមរបស់នាង ព្រមជាមួយនឹងការបញ្ជាក់ជាថ្មីថា នាងពិតជាសប្បាយចិត្តជាខ្លាំងជាមួយនឹងការរស់នៅបែបនេះ៕
ប្រភព៖ Ngoisao.vn
សូមទស្សនារូបភាពខាងក្រោម៖
