G-Devith ដាក់ពណ៌សក់ថ្មីសង្ហាដូច Oppa ហ្វេនសរសើរមិនដាច់ពីមាត់

កម្សាន្ត ៖ កាលពីម្សិលមិញ ផ្ទុះការចាប់អារម្មណ៍មួយទៅលើតារារ៉េបដែលមានទេកោសល្យនិងកេរ្តិ៍ឈ្មោះល្បីល្បាញលោក G-Devith។ ហ្វេនៗសរសើរមិនដាច់ពីមាត់ថា Idol សង្ហាដូចកូរ៉េ ពេលប្ដូរពណ៌សក់អញ្ចឹងទៅ សូម្បីតែមើលពីក្រោយក៏ជះរាងសង្ហារដែរ។

អ្នកគាំទ្រ ជាពិសេសយុវវ័យមានការភ្ញាក់ផ្អើល ក៏ព្រោះតែ G-Devith មិនដែលលេងម៉ូតសក់ពណ៌នេះពីមុនមក ដែលធ្វើឲ្យរូបលោកទទួលបានការចាប់រម្មណ៍ខ្លាំង។ តារារ៉េបរូបនេះ បានលេងម៉ូតសក់ថ្មីដោយដាក់ពណ៌សក់ដល់ទៅ២ពណ៌ ខាងស្ដាំពណ៌រាងសលាយជាមួយពណ៌ស្វាយស្រាល ម្ខាងទៀតពណ៌ខ្មៅ ដែលធ្វើឲ្យមើលទៅប្លែកស្អាតមែនទែន។ 

លើសពីនោះទៅទៀត ដោយសារតែការផ្លាស់ប្ដូរម៉ូតសក់នេះហើយ បានកំពុងតែធ្វើឲ្យអ្នកគាំទ្រសង្ស័យថា  G-Devith នឹងមានអ្វីថ្មីដែលត្រៀមនឹងបញ្ចេញឲ្យប្រិយមិត្តផងដែរ។ ទោះបីជាយ៉ាងណាក៏ដោយ ប្រិយមិត្តនៅតែទន្ទឹមរងចាំនូវដំណឹងអ្វីពិសេសពីតារារ៉េបសង្ហារូបនេះ៕