ឈ្នះអស់មាសត្រូវ! ដល់ថ្ងៃសម្ភាសន៍ បវរកញ្ញាថៃ លេងសុទ្ធតែគុណគ្រូ

ថៃ៖ បវរកញ្ញាហ្រ្គែនថៃ កញ្ញា Indy Johnson បានសាងភាពភ្ញាក់ផ្អើលដល់មហាជន និងអ្នកគាំទ្រជាខ្លាំង ក្រោយពេលដែលបវរកញ្ញាថៃសម្បុរសស្រអែមកូនកាត់រូបនេះ បានអង្គុយសំពះ សម្មាធិ មួយស្របក់មុនពេលចូលក្នុងបន្ទប់ផ្តល់់ការសម្ភាសន៍ នាកំឡុងការប្រកួតបវរកញ្ញាហ្រ្គែនអន្តរជាតិ (Miss Grand International) ឆ្នាំ២០២១ នៅប្រទេសថៃ។

ជាក់ស្តែងនៅក្នុងរូបថតនោះ បានបង្ហាញសកម្មភាពរបស់បវរកញ្ញាថៃ  កញ្ញា Indy Johnson ពាក់ស្បែកជើងកែង កម្រាស់ប្រហែលកន្លះតឹក ជាមួយនឹងឈុតចម្រុះពណ៌ អង្គុយសំពះ បួងសួង រហូតសាងភាពភ្ញាក់ផ្អើល និងមានហ្វេនៗជាច្រើននាំគ្នាចែកផ្សាយពាសបណ្តាញសង្គមហ្វេសប៊ុកតែម្តង។

សូមរំលឹកផងដែលថា ដំណាក់ការនៃវគ្គសម្ភាសន៍ក្នុងកម្មវិធីប្រកួតបវរកញ្ញាហ្រ្គែនអន្តរជាតិ គឺជាដំណាក់កាលដ៏មានភាពតានតឹង ដែលតម្រូវឲ្យបេក្ខនារីទាំងអស់ឆ្លេីយសំណួរ ( interview day )  ដេីម្បីទទួលបានពិន្ទុល្អពីគណ:កម្មការវិនិច្ឆ័យដើម្បីមានឱកាសចូលទៅកាន់ Top ២០ នៅវគ្គចុងក្រោយនៃការប្រកួតផ្តាច់ព្រ័ត្រនាពេលខាងមុខឆាប់ៗនេះ៕

ចង់ជ្រាបកាន់តែច្បាស់ សូមទស្សនារូបភាពខាងក្រោមនេះ៖