មនុស្សខ្លាចខ្ពស់ផង ដល់មកថតរឿង «Snow Drop» ឈុតនេះ Jisoo ឡើងញ័រខ្លួន ពិតៗមិនសម្ដែង (មានវីដេអូ)
កូរ៉េខាងត្បូង៖ ជាការពិត រឿងភាគកូរ៉េ «SnowDrop» ត្បិតតែមានភាពចម្រូងចម្រាសបន្តិចមែន ប៉ុន្តែរឿងមួយនេះពិតជាទទួលបានការគាំទ្រច្រើនពីសំណាក់ហ្វេនៗស្ទើរតែគ្រប់ប្រទេស ដោយសារមានការចូលសម្ដែងពីតារាសម្ដែងកំលោះសង្ហាលោក Jung Hae-in និងតារាចម្រៀងស្រី Kim Jisoo សមាជិកក្រុម BLACKPINK ផងដែរ។
ទន្ទឹមនឹងនេះ សាច់រឿងទាំងមូលពិតជាថតបានយ៉ាងល្អ ទាំងតួសម្ដែងនីមួយៗក៏សម្ដែងបានស័ក្ខសម ទើបធ្វើឲ្យគ្រប់គ្នាមើលទៅជក់ចិត្តដិតអារម្មណ៍បែបបនេះ។
ពិសេស បើងាកមកចាប់អារម្មណ៍ឈុតឆាកក្រៅឆាកខ្លះៗដែលខាងទូរទស្សន៍ JTBC ទើបតែបានបញ្ចេញលើបណ្ដាញសង្គមកាលពីថ្មីៗនេះវិញ យើងឃើញថា ឈុតមួយដែលតួស្រី Young-ro (Jisoo) បានសម្ដែងដែលត្រូវឈរលើគែមអគារដ៏ខ្ពស់ពីរនាក់តួប្រុសនោះ Jisoo នាងពិតជាមានអារម្មណ៍ថាពិបាកខ្លាំង ដោយត្រូវថតខុសជាច្រើនដង និងភ័យញ័រពេញទាំងខ្លួន បើទោះបីជាមានការរៀបចំការពារសុវត្ថិភាពពីក្រុមបច្ចេកទេសថតយ៉ាងណាក៏ដោយ។ ព្រោះនាងធ្លាប់បាននិយាយថា នាងជាមនុស្សដែលខ្លាចទីខ្ពស់ ដូច្នេះនៅពេលមកថតឈុតមួយនេះ នាងថតទាំងអារម្មណ៍ភ័យ និងដាក់អារម្មណ៍បានល្អពិតៗដូចមិនមែនសម្ដែងនោះឡើយ៕
សូមទស្សនារូបភាព និងវីដេអូខាងក្រោម៖
