ស្ងាត់ៗលេចមុខតួឯកស្រីនៃរឿងខ្មោចដើមចេកជ្វា ក្នុងកម្មវិធីជជែកកម្សាន្តល្បីឈ្មោះមួយ
ភ្នំពេញ៖ ភាពយន្តខ្មែរបែបរន្ធត់ "រឿងខ្មោចដើមចេកជ្វា" ជាសាច់រឿងដែលទទួលបានការគាំទ្រខ្លាំងពីសំណាក់មហាជនរបស់កម្ពុជា ក៏ដូចជាទស្សនិកជននៅក្រៅប្រទេសផងដែរ នោះក៏ព្រោះតែសាច់រឿងទាំងមូលមានភាពល្អឯក ទាំងការសម្ដែង និងបច្ចេកទេសថតគ្រប់ឈុតពីមួយប្លង់ទៅមួយប្លងទៀត។ បើត្រឡប់ក្រោយទៅកាលជាង ១៨ឆ្នាំមុន ភាពយន្តមួយនេះបានធ្វើឲ្យអ្នកទស្សនាព្រឺក្បាលគ្រប់ៗគ្នា ព្រោះតែខ្លាចខ្មោចនាងនុតដែលជាតួរឯកស្រី ដែលនៅក្នុងសាច់រឿងនាងជាខ្មោចដែលកាចសាហាវ ហើយមានប្លង់រន្ធត់ៗជាច្រើនដែលធ្វើឲ្យអ្នកទស្សនាចង់ចាំ ហើយស្ទើរតែបំភ្លេចមិនបាននោះទេ។
ក្រោយបាត់ដំណងសូន្យឈឹងមិនដឹងថានៅទីណា ស្រាប់តែនៅរាត្រីថ្ងៃទី ០៣ ខែមិថុនា ឆ្នាំ ២០២១ នៅក្នុងកម្មវិធីជជែកកំសាន្តល្បីឈ្មោះមួយបានអញ្ជើញ អ្នកនាងដា ដែលជាតួរឯកស្រីក្នុងរឿងនាងនុត មកធ្វើការសម្ភាសន៍ នឹងឲ្យធ្វើត្រាប់សម្ដែងឈុតហូបដង្កូវឡើងវិញផងដែរ។
ដើម្បីឲ្យកាន់តែច្បាស់ សូមទស្សនាវីដេអូ និងរូបភាពនៅខាងក្រោម៖
