ចាំជិត២ឆ្នាំ ពេលនេះ BLACKPINK ប្រកាស Come Back ក្នុងខែសីហា

July 6, 2022

កូរ៉េខាងត្បូង៖ ផលិតកម្ម YG Entertainment បានបញ្ជាក់ជាផ្លូវការថា ក្រុមចម្រៀងនារីសកល BLACKPINK នឹងធ្វើការ Come Back ក្នុងខែសីហា ដោយពួកគេត្រៀមខ្លួនរួចជាស្រេច ក្នុងការវិលត្រលប់មកវិញ។

ជាក់ស្តែង បច្ចុប្បន្នពួកគេកំពុងស្ថិតក្នុងដំណាក់កាលចុងក្រោយនៃការថតអាល់ប៊ុមថ្មីរបស់ពួកគេ។ ក្រុមនេះគ្រោងនឹងថតវីដេអូចម្រៀងរបស់ពួកគេនៅចុងខែនេះ ជាមួយនឹងការវិលវិញនៅខែសីហារបស់ពួកគេ ដោយមានការលើកឡើងពី ផលិតដូច្នេះថា៖

តន្ត្រីជាច្រើននៅក្នុងស្ទីលរបស់ BLACKPINK ត្រូវបានរៀបចំជាមួយនឹងការខិតខំប្រឹងប្រែងយ៉ាងខ្លាំងអស់រយៈពេលជាយូរ។ BLACKPINK នឹងចាប់ផ្តើមដំណើរទេសចរណ៍ពិភពលោកដ៏ធំបំផុតមិនធ្លាប់មានសម្រាប់ក្រុមចម្រៀងនារី K-Pop នៅចុងឆ្នាំនេះ រួមជាមួយនឹងការត្រលប់មកវិញរបស់ពួកគេ ដើម្បីពង្រីកទំនាក់ទំនងរបស់ពួកគេ និងទៅដល់អ្នកគាំទ្រជុំវិញពិភពលោក។ យើងនឹងបន្តគម្រោងខ្នាតធំសម្រាប់ក្រុមផងដែរ។
— ផលិតកម្ម YG Entertainment

គួររំលឹកផងដែរថា BLACKPINK មិនបានចេញបទចម្រៀងថ្មី ជាក្រុមទេក្នុងរយៈពេល ១ ឆ្នាំ ១០ ខែចាប់តាំងពីអាល់ប៊ុម THE ALBUM ហើយក្នុងអំឡុងពេលនៃការផ្សព្វផ្សាយសម្រាប់អាល់ប៊ុម ពួកគេមិនអាចធ្វើការផ្សព្វផ្សាយបានច្រើនទេ ដោយសារតែជំងឺរាតត្បាតដូច្នេះដែរ៕

ប្រភព៖ Koreaboo

សូមទស្សនារូបភាពខាងក្រោម៖

ទាក់ទងជាមួយ:

តារាកូរ៉េ

អានបន្ថែម