តារាល្បីសល់លុយវាល់លាន តែ Song JoongKi ត្រូវគេថា តែងសាមញ្ញឈុតមួយពាក់ ២ដង

January 11, 2023

កូរ៉េខាងត្បូង៖ ថ្មីៗនេះ តារាសម្ដែង លោក Song Joong Ki បានបង្ហាញខ្លួននៅអាកាសយានដ្ឋាន Incheon ដែលត្រូវបានគេដឹងថា តារាសម្ដែងរូបនេះ ទើបតែត្រលប់មកប្រទេសកូរ៉េវិញ បន្ទាប់ពីបានចូលរួមកម្មវិធី ប្រគល់ពានរង្វាន់ Golden Disc ឆ្នាំ ២០២៣ នៅប្រទេសថៃ។

ក្នុងនោះដែរ អ្វីដែលបានធ្វើឲ្យអ្នកគាំទ្រចាប់អារម្មណ៍ទៅលើការបង្ហាញខ្លួនរបស់ តារាប្រុសរូបនេះ នោះគឺ ការស្លៀកសម្លៀកបំពាក់ដ៏សាមញ្ញ បន្ទាប់ពីធ្វើដំណើរហោះហើរយ៉ាងយូរ។ ប៉ុន្តែសម្លៀកបំពាក់របស់ Song Joong Ki នេះ ត្រូវបានគេកត់សម្គាល់ថា គឺជាសម្លៀកបំពាក់ដែល លោកបានពាក់នៅពេលដែល បានបង្ហាញខ្លួននៅអាកាសយានដ្ឋានទៅកាន់ប្រទេសថៃ ដើម្បីចូលរួមកម្មវិធីប្រគល់ពានរង្វាន់ កាលពីថ្ងៃទី ៥ ខែមករា កន្លងទៅនេះ។

ហើយនេះ ក៏មានន័យថា លោក Song Joong Ki បានស្លៀកសម្លៀកបំពាក់ដូចគ្នា ក្នុងការបង្ហាញខ្លួនពីរដង នៅព្រលានយន្តហោះ ដែលកំពុងធ្វើឲ្យសាធារណជន មានការភ្ញាក់ផ្អើលយ៉ាងខ្លាំង ព្រោះមិននឹកស្មានដល់ថា តារាល្បីលំដាប់A ព្រមទាំងមានទ្រព្យសម្បត្តិរាប់ពាន់លានដូចរូបលោក នឹងមានភាពសាមញ្ញបែបនេះ ខណៈដែលមានការលើកឡើង ពីតារាកូរ៉េផ្សេងៗទៀតដែលកម្រ នឹងបង្ហាញមុខក្នុងឈុតដូចគ្នាពីរដង៕

ប្រភព៖ Kenh14

សូមទស្សនារូបភាពខាងក្រោម៖

ទាក់ទងជាមួយ:

តារាកូរ៉េ

អានបន្ថែម