ចុះកុងត្រាជាមួយប៉ុស្តិ៍លេខ៣ភ្លាម លេចមុខតារាប្រុសទាំង ៣ នេះនៅក្នុងភាពយន្តភាគល្បីៗភ្លែត
ថៃ៖ ដូចដែលប្រិយមិត្តបានដឹងរួចហើយថានៅក្នុងស្ថានីយ៍ទូរទស្សន៍ប៉ុស្តិ៍លេខ៣ គឺប្រជុំទៅដោយតារាសម្តែងប្រុសស្រីល្បីៗជាច្រើនហើយក្នុងនោះក៏ឃើញមានតារាចំណូលថ្មីៗបានហក់ចូលក្នុងប៉ុស្តិ៍មួយនេះ ព្រមទាំងបានក្តោបឱកាសថតរឿងភាគថ្មីៗជាបន្តបន្ទាប់ដែលរួមមានដូចជា៖
១. Gulf Kanawut
សម្រាប់តារាប្រុសល្បីឈ្មោះGulf បានជម្រាបប្រាប់ដល់មហាជនថា កាលពីថ្មីៗនេះលោកទើបចុះកុងត្រាជាមួយស្ថានីយ៍ទូរទស្សន៍ប៉ុស្តិ៍លេខ៣។ មិនតែប៉ុណ្ណោះ Gulf សង្ឃឹមថានៅថ្ងៃណាមួយលោកនឹងមានឱកាសបានដើរតួសម្តែងជាមួយកំពូលតារាសម្តែងស្រីYaya Urassaya។
២. Mean Phiravich
កាលពីពាក់កណ្តាលឆ្នាំ ២០២០តារាប្រុសកំពុងរះ Mean Phiravichបានចុះកុងត្រាជាមួយប៉ុស្តិ៍លេខ៣ រួចហើយ។ដោយឡែកបច្ចុប្បន្ននេះលោកក៏កំពុងមមាញឹកក្នុងការថតរឿងភាគថ្មី «Petchakard JunJao» ជាមួយតារាប្រុសជួរមុខ Great Warintorn និង Yam Matira ផងដែរ។
៣. Tee Tanapon
ចំណែក Tee Tanapon ក៏បានចុះកុងត្រាអំឡុងពាក់កណ្តាលឆ្នាំ ២០២០ ដែរ។រហូតមកដល់ពេលនេះលោកកំពុងថតរឿងមួយក្រោមចំណងជើងថា «The Miracle of Teddy Bear» ដែលចូលរួមសម្តែងដោយ Inn Sarin និង JobThuchapon៕
ប្រភព៖ thaiupdate