ពិសេសណាស់! ក្រុមនារី aespa លេចមុខជាលើកដំបូងក្នុងការសម្តែងលើឆាកតន្ត្រី M COUNTDOWN (មានវីដេអូ)

កូរ៉េខាងត្បូង៖ ក្រុមចម្រៀងនារី aespa របស់ផលិតកម្ម SM ដែលមានសមាជិក៤រូប ឥលូវនេះពួកគេមានឱកាសក្នុងការសម្តែងនៅលើឆាកតន្ត្រី M COUNTDOWN របស់ mnet ជាលើកដំបូងសម្រាប់បទថ្មី "Next Level" ហើយ។

ពិតជាពិសេសខ្លាំងណាស់សម្រាប់ក្រុមនារី aespa ក៏ដូចជាអ្នកគាំទ្ររបស់ពួកគេ ដែលនៅថ្ងៃទី៣ ខែមិថុនានេះ ក្រុមចម្រៀងនារី aespa បានផ្សព្វផ្សាយបទថ្មីរបស់ពួកគេតាមរយៈការសម្តែងនូវបទមួយដែលមានចំណងជើងថា "NEXT LEVEL" ដែលចេញកាលពីថ្មីៗនេះ នៅលើឆាកតន្ត្រី M COUNTDOWN ដោយជាក់ស្ដែងសម្រាប់ការលេចមុខរបស់ពួកគេនៅចុងឆ្នាំ២០២០ សម្រាប់បទ "Black Mamba" ពួកគេមិនមានឱកាសក្នុងការសម្តែងនៅលើឆាក M COUNTDOWN នោះទេ។ ដូចដែលប្រិយមិត្តភាគច្រើន ជាពិសេសអ្នកគាំទ្រវិស័យខេផបតែម្តងពិតជាបានដឹងរួចមកហើយថា ការរៀបចំឆាកតន្ត្រីរបស់ Mnet ពិតជាមានភាពស្រស់ស្អាតនិងទាក់ទាញខ្លាំងណាស់ បើប្រៀបធៀបជាមួយឆាកតន្ត្រីផ្សេងទៀតរបស់ប្រទេសកូរ៉េ ហើយកម្មវិធី M COUNTDOWN ក៏ជាកម្មវិធីតន្ត្រីដ៏ល្បីល្បាញមួយតាំងពីយូរមកផងដែរ៕

សូមទស្សនារូបភាព និងវីដេអូខាងក្រោម៖