រៀបការច្រើនឆ្នាំហើយ ស្នេហារបស់អតីតវីជេ សាមេនតា នៅតែផ្អែមល្អែម

រាជធានីភ្នំពេញ ៖ បងប្អូនភាគច្រើន ប្រាកដជានៅចាំ អតីតវីជេល្បីឈ្មោះនិងស្រស់ស្អាតប្រចាំស្ថានីយទូរទស្សន៍ My TV អ្នកនាង សាមេនតា ជាក់ជាមិនខាន ដែលរូបនាងបានដកឃ្លាពីការងារសិល្បៈនេះ ចាប់តាំងពីបានចូលរោងរៀបការជាមួយនឹងស្វាមី តាំងពីឆ្នាំ២០១៨។

ងាកទៅមើល រូបសម្រស់របស់តារាស្រីរូបនេះវិញ នៅតែទាក់ទាញ គ្មានប្រែប្រួលទាល់តែសោះ ជាមួយនឹងមុខមាត់ស្រស់ប្រិមប្រិយ ថ្ពាល់ខួច ធ្វើឲ្យរូបនាងនៅតែគួរឲ្យស្រឡាញ់ដូចមុន។

សម្រាប់ជីវិតឯកជនរបស់រូបនាង ក្រោយពេលរៀបការជាង៤ឆ្នាំទៅហើយ បើគិតមកដល់ពេលនេះ ប៉ុន្តែអតីតវីជេរូបនេះ នៅមិនទាន់មានដំណឹងល្អនៅឡើយ ដែលសព្វថ្ងៃនេះ រូបនាងនិងស្វាមី មមាញឹកខ្លាំងនឹងការងារព្រមទាំងការរកស៊ីជាខ្លាំង។

ប៉ុន្តែ មើលទៅ ជីវិតក្រោយរៀបការរបស់អ្នកទាំងពីរ ពិតជាធ្វើឲ្យមហាជនផ្ទុះការចាប់អារម្មណ៍ជាខ្លាំង នៅតែផ្អែមល្អែម ស្អិតរមួតនឹងគ្នា មិនចាញ់គូស្នេហ៍ថ្មីថ្មោងប៉ុន្មានទេ​ ទៅណាមកណាបណ្តើរគ្នាជាញឹកញាប់៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖