រាជធានីភ្នំពេញ៖យោងតាមការចុះផ្សាយរបស់ក្រសួងព័ត៍មាន នៅថ្ងៃទី០៣ ខែមករា ឆ្នាំ២០២២នេះ បានឱ្យដឹងថា ក្រសួងសាធារណការ និងដឹកជញ្ជូន ជូនដំណឹងពីការបិទចរាចររថយន្តដឹកទំនិញធុនធ្ងន់នៅលើកំណត់ផ្លូវជាតិលេខ២១បេ (១១៥) ចាប់ពីផ្លូវជាតិ លេខ២១អា ដល់ផ្លូវជាតិលេខ២ស្ថិតក្នុងក្រុងតាខ្មៅ ខេត្តកណ្តាល ចន្លោះម៉ោង ៦៖០០ ល្ងាច ដល់ម៉ោង ៣៖០០ ទៀបភ្លឺចាប់ពីថ្ងៃទី០១ ដល់២៧ ខែមករា ឆ្នាំ២០២២។យោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជូនខេត្តកណ្តាលដែលវិទ្យុជាតិកម្ពុជាទទួលបានឱ្យដឹងថា មន្ទីរសាធារណការនឹងបន្តបិទចរាចររថយន្តដឹកទំនិញធុនធ្ងន់គ្រប់ប្រភេទនៅលើកំណាត់ផ្លូវជាតិលេខ២១បេ(១១៥)ចាប់ពីផ្លូវជាតិលេខ២១អា ដល់ផ្លូវជាតិលេខ២ ស្ថិតក្នុងក្រុងតាខ្មៅខេត្តកណ្ដាលចន្លោះម៉ោង ៦:០០នាទីល្ងាច ដល់ម៉ោង ៣:០០នាទីទៀបភ្លឺ ចាប់ពីថ្ងៃទី ០១ ដល់ថ្ងៃទី២៧ខែមករា ឆ្នាំ២០២២ ដើម្បីធ្វើការសាងសង់លូកាត់ ទទឹងផ្លូវប្រវែង ២០ម៉ែត្រត្រង់ស្ថានីយបូមទឹកដើមអំពិលចាស់ ផ្លូវជាតិលេខ២១បេ(១១៥)សម្រាប់រំដោះទឹកជំនន់ទឹកភ្លៀង ក្នុងក្រុងតាខ្មៅនិងសហការជួសជុលកំណាត់ផ្លូវជាតិលេខ២១បេ(១១៥) ជាមួយក្រសួងសាធារណការ និង ដឹកជញ្ជូន។សូមបញ្ជាក់ជូនថាចំពោះរថយន្តគ្រួសារ (ទេសចរណ៍) អាចធ្វើចរាចរបានជាធម្មតា។ដូច្នេះម្ចាស់រថយន្តដឹកទំនិញធុនធ្ងន់ទាំងអស់ព្រមទាំងស្ថាប័នមានសមត្ថកិច្ចពាក់ព័ន្ធមេត្តាជ្រាប និងជួយចូលរួមសហការអនុវត្តតាមខ្លឹមសារសេចក្តីជូនដំណឹងនេះប្រកបដោយប្រសិទ្ធភាព៕<figure style="text-align:center"><img src="https://s9.kh1.co/94/9475375660c2abb5698baa2d3df9084e6292e05c.webp" alt="ក្រសួងសាធារណការ និងដឹកជញ្ជូន" style="width:100%"/><figcaption>ក្រសួងសាធារណការ និងដឹកជញ្ជូន</figcaption></figure><figure style="text-align:center"><img src="https://cms.dmpcdn.com/article/2022/01/04/5b695740-6d34-11ec-946f-3753626f8ba2_original.jpeg" alt="រូបតំណាង រថយន្តធុនធ្ងន់" style="width:100%"/><figcaption>រូបតំណាង រថយន្តធុនធ្ងន់</figcaption></figure><figure style="text-align:center"><img src="https://cms.dmpcdn.com/article/2022/01/04/5be5da40-6d34-11ec-8066-ffb72c13e721_original.jpeg" alt="សេចក្តីជូនដំណឹង" style="width:100%"/><figcaption>សេចក្តីជូនដំណឹង</figcaption></figure>

ក្រសួងសាធារណការ និងដឹកជញ្ជូន ជូនដំណឹងពីការបិទចរាចរ ចំពោះរថយន្តដឹកទំនិញធុនធ្ងន់