គេថាលំអៀង តែបើដឹងប្រវត្តិម្ចាស់មកុដ បវរកញ្ញាចក្រវាល ២០២២ បានសាហាវ

អាមេរិក៖ ទីបំផុតកម្មវិធីប្រលងបវរកញ្ញាចក្រវាលឆ្នាំ ២០២២ Miss Universe 2022 ក៏ត្រូវបានបញ្ចប់ជាស្ថាបពរ ព្រមទាំងបានរកឃើញម្ចាស់មកុដ ដែលបានទៅលើបវរកញ្ញាអាមេរិក នាង R'Bonney Nola Gabriel ។

យ៉ាងណាមិញ បន្ទាប់ពីទទួលបានភាពជោគជ័យលើឆាកអន្តរជាតិមួយនេះ នាង ដែលជាបវរកញ្ញាចក្រវាលអាមេរិក ត្រូវបានមហាជន និងហ្វេនៗដែលតែងតែតាមដានកម្មវិធីប្រកួតសម្រស់ មានការយកចិត្តទុកទៅលើសមត្ថភាព សម្រស់ ក៏ដូចជាប្រវត្តិដ៏គួរឲ្យចាប់អារម្មណ៍ទៀតផង ។

ក្នុងនោះតាមរយៈ ផេកគាំទ្រកម្មវិធីសម្រស់ បានលើកឡើងពីប្រវត្តិខ្លះៗរបស់ បវរកញ្ញាម្ចាស់មកុដរូបនេះយ៉ាងដូច្នេះថា នាង R'Bonney Nola Gabriel គឺជាកូនកាត់អាមេរិក-ហ្វីលីពីន ព្រមទាំងជាអ្នកច្នៃម៉ូតសម្លៀកបំពាក់ដោយដៃផ្ទាល់ ឬហៅថា Handmade ។ ជាពិសេស នាងគឺជាសាស្រ្តាចារ្យផ្នែក កាត់ដេរ និងជា Fashion Model ម្នាក់ក្នុងរដ្ឋ Texas ទៀតផង។

មិនត្រឹមតែប៉ុណ្ណោះ បវរកញ្ញារូបនេះថែមទាំងមានសមត្ថភាព អាចនិយាយបាន ៦ភាសា ដូចជា ហ្វីលីពីន អង់គ្លេស វៀតណាម ឥណ្ដូនេស៊ី អេស្បាញ និងបារាំង៕

ប្រភព៖ Beauty Pageant Reviewer

សូមទស្សនារូបភាពខាងក្រោម៖